विठोबाची आरती | युगे अठ्ठावीस विटेवरी उभा | आरती संग्रह | Yuge Atthavis Vitevari Ubha

by गुरुमाऊलीGurumauli -9/10/2021

0

प्रस्तुत पोस्टमध्ये गणेश चतुर्थी निमित्त विविध आरती संग्रह संकलित केलेला आहे.

विठोबाची आरती | युगे अठ्ठावीस विटेवरी उभा | आरती संग्रह

विठोबाची आरती | युगे अठ्ठावीस विटेवरी उभा | आरती संग्रह

युगे अठ्ठावीस विटेवरी उभा

वामांगी रखुमाई दिसे दिव्य शोभा ।

पुण्डलिकाचे भेटी परब्रह्म आले गा

चरणी वाहे भीमा उद्धरी जगा ॥१॥

जय देव जय देव जय पांडुरंगा ।
रखुमाई वल्लभा राईच्या वल्लभा पावे जिवलगा ॥धृ॥

तुळसीमाळा गळा कर ठेवूनी कटी
कासे पीताम्बर कस्तुरी लल्लाटी ।
देव सुरवर नित्य येती भेटी
गरुड हनुमन्त पुढे उभे राहती ॥२॥

धन्य वेणूनाद अणुक्षेत्रपाळा
सुवर्णाची कमळे वनमाळा गळा ।
राई रखुमाबाई राणीया सकळा
ओवाळिती राजा विठोबा सावळा ॥३॥

ओवाळू आरत्या कुर्वण्ड्या येती
चन्द्रभागेमाजी सोडुनिया देती ।
दिंड्या पताका वैष्णव नाचती
पंढरीचा महिमा वर्णावा किती ॥४॥

आषाढी कार्तिकी भक्तजन येती
चंद्रभागेमाजी स्नाने जे करिती ।
दर्शनहेळामात्रे तया होय मुक्ती
केशवासी नामदेव भावे ओवाळिती ॥५॥

विठोबाची आरती | युगे अठ्ठावीस विटेवरी उभा | आरती संग्रह | Yuge Atthavis Vitevari Ubha