राज्यातील शाळांमधील शिक्षक व विद्यार्थ्यांची हजेरी आता Mahastudent App द्वारे नोंदविण्याबाबत महाराष्ट्र शासन, शालेय शिक्षण व क्रीडा विभाग यांचा आदेश आलेला आहे.०३ नोव्हेंबर,२०२१ रोजीचा हा आदेश नेमका काय आहे ते पाहूया -
शासन परिपत्रक | शिक्षक व विद्यार्थ्यांची हजेरी आता Mahastudent App वर
राज्यात प्रगत शैक्षणिक महाराष्ट्र कार्यक्रमांतर्गत तंत्रस्नेही शिक्षकांची आणि डिजीटल शाळांची चळवळ मोठ्या प्रमाणात उभी राहिली आहे. तंत्रस्नेही शिक्षकांच्या मदतीने राज्यात सरल प्रणालीवर सर्व शाळा,शिक्षक व विद्यार्थ्यांची माहिती भरण्यात आली आहे. भारत सरकारने PGI (Performance Grade Index) हा निर्देशांक विकसित केला आहे. यामध्ये शिक्षक व विद्यार्थ्यांची डिजीटल पध्दतीने उपस्थिती यासाठी गुण आहेत. यासाठी राज्याने विकसित केलेल्या सरल प्रणाली मध्ये शाळांच्या विद्यार्थी व शिक्षक यांच्या माहितीच्या आधारे राज्यातील शाळांमधील विद्यार्थ्यांची व शिक्षकांची उपस्थिती नोंदविण्यासाठी सरल प्रणाली आधारित सुविधा उपलब्ध करून राज्यातील सर्व विद्यार्थ्यांची व शिक्षकांची उपस्थिती डिजीटल पध्दतीने Mahastudent App द्वारे भरून घेण्यास मान्यता देण्यात येत आहे.
यानुसार विभागामार्फत Mahastudent App विकसित करण्यात आले आहे. सदर अँप हे गुगल प्ले स्टोअर वर Mahastudent या नावाने उपलब्ध आहे. या अँप मध्ये शिक्षकांसाठी विद्यार्थ्यांची उपस्थिती डिजीटल पध्दतीने नोंदविण्याची सुविधा उपलब्ध करून देण्यात आली आहे. याच्याआधारे शिक्षकाला आपल्या वर्गातील अनुपस्थित विद्यार्थ्यांची गैरहजेरी काही क्लिक सरशी नोंदविता येणार आहे. याचसोबत शाळेमधील सर्व शिक्षकांची उपस्थिती नोंदविण्याची सुविधा देखील उपलब्ध करून देण्यात आली आहे. सदर अँप मुळे शिक्षकांना विद्यार्थ्यांचे हजेरीपत्रक वेगळ्याने ठेवण्याची आवश्यकता राहणार नाही. याचसोबत मध्यान्ह भोजन योजनेअंतर्गत विद्यार्थ्यांची वेगळी माहिती भरण्याची आवश्यकता राहणार नाही. यासाठी आवश्यक असणारे दोन्ही App चे एकत्रीकरण करण्यात येईल. यामुळे राज्य,जिल्हा,तालुका व केंद्रस्तरावर एका क्लिकवर विद्यार्थ्यांची उपस्थिती व शिक्षकांची उपस्थिती कळण्यास मदत होणार आहे. तरी राज्यातील सर्व विद्यार्थ्यांची व शिक्षकांची उपस्थिती डिजीटल पध्दतीने Mahastudent अँपद्वारे भरून घेण्यास मान्यता देण्यात आलेली आहे.
सध्याच्या डिजिटल युगात बदलत्या काळानुसार अनेक नवनवीन प्रयोग होत असून शिक्षण प्रक्रिया सुलभ होण्यासाठी असे नवनवीन बदल होणे आवश्यक आहे.
शासन परिपत्रक | शिक्षक व विद्यार्थ्यांची हजेरी आता Mahastudent App वर
