उधळीत शतकिरणा | Udhalit Shatkirna Samuhgit | समूहगीत
उधळीत शतकिरणां
उधळीत शतकिरणां उजळीत जनहृदया
नभात आला रे प्रभात रवि उदया
तिमिराची रजनी गेली रे गेली लया
उधळीत शतकिरणां
उधळीत शतकिरणां उजळीत जनहृदया
नभात आला रे प्रभात रवि उदया
तिमिराची रजनी गेली रे गेली लया
उधळीत शतकिरणां , आ... आ... || धृ ||
थरकति चंचल जललहरी, नटली सजली वसुंधरा
मधुमय मंगल स्वरलहरी चढल्या भिडल्या दिगंतरा
धिंधिंधिंता धिंधिंधिंता दुंदुभीच्या नादासंगे
अंबराच्या मंदिरात मंद्र वाजे सनई
जय जय बोला, जय जय बोला कोटीकोटी कंठांनि
भारताच्या भविष्याच्या पहाटेच्या समयी
रे संपली.. ती शर्वरी, ये हा रवि.. या अंबरी...
उधळीत शतकिरणां || १ ||
चल करि वंदन नवयुवका, गगनी विलसे नवा रवि
तुजसि न बंधन कधी पथिका, दिसली तुजला दिशा नवी
दिडदिडदारा दिडदिडदारा, प्राण आता झंकारती
तारुण्याच्या सामर्थ्याला कारुण्याची साथ दे
या भूमीला आकाशाचे आशीर्वाद लाभावे
पौरुषाला विक्रमाचे वैभवाचे हात दे
ही प्रार्थना, ही कामना, ही भावना, ही अर्चना..
उधळीत शतकिरणां || २ ||
गीत - वसंत बापट, संगीत - कानू घोष
$ads={2}
उधळीत शतकिरणा Mp3
वरील समूहगीत खालील संगीतवर म्हणा
गीत - वसंत बापट, संगीत - कानू घोष
प्रार्थना - जय जय प्रथामेशा
प्रार्थना - नमस्कार माझा
प्रार्थना - आई देवाजीची माया
Tags
समूहगीत
